သူငယ်ချင်းရေ ..အဲဒိစည်းလေး ထင်ထင်တား တစ်ဖက်တစ်ချက် ရပ်ကာထားလို့ ..ငါတို့အကြည့်တွေ တင်းတင်းဆုပ်ခဲ့ဖူးတယ်လေ။
အကျည်းတန်လှချိန်တဲ့ ညနေခင်းရဲ့ နေအလင်းပြပြအောက်မှာ လှပြီးသားသူမကတော့ အမြဲတမ်းထက်ပိုလှ နေခဲ့တယ်။ နှမြောတသဖြစ်ရခြင်းဆိုတာ ဒါမျိုးလား ဆုံးရှုံးရတော့မယ်မှန်းသိမှ။ ဟင်း ..မပြောချင်တော့ဘူး .. အမြဲရှုံးတဲ့ ဘဝထဲမှာ အားတင်းပြီးခေါင်းမော့ခဲ့ပေမဲ့။ ဒီတစ်ခါတော့ မော့ပြီးပြုံးဖို့ ..သူ့နှလုံးသားတွေ လေးလံနေခဲ့တယ်။ နေမြင့်လေအရူးရင့်လေပဲ ကြားဖူးပါတယ်..ခုတော့နေကျလေ သူ့ရင်ထဲထိန်းမရလေ ဖြစ်နေတယ်။ ခိုးကြည့်မိတော့......အေးအေးလူလူပဲ အအေးသောက်နေတဲ့သူမကိုတွေ့တယ်။ သိပ်တော်ပါတယ်ဆိုတဲ့ သူက ဒီမိန်းကလေးရဲ့ ဘာသာဗေဒကို ဘယ်လိုနည်းနဲ့မှ ဖတ်လို့မရခဲ့ဘူး။ဒါတောင် အချစ်ဆုံးသူငယ်ချင်း ဖြစ်နေခဲ့သေးသတဲ့။ သူပဲ သိပ်ညံ့လို့လား ဒါမှမဟုတ် သူမကသိပ်တော်နေခဲ့တာလား။ တစ်သက်စာ ခွဲရမှာလေ ဘာမှမဖြစ်ဘူးလားလို့မေးလိုက်ချင်တယ်။ ပေါက်ကွဲထွက်ပြီး မေးချင်တာမေးလိုက်ရရင် သိပ်ကောင်းမှာပဲ။ ဒါပေမဲ့ ..ဘာဖြစ်ရမှာလဲလို့ ပြန်မေးရင်ကော ..ဟုတ်တယ်နော် ..ပတ်သတ်ခြင်းမှာ သူငယ်ချင်းဆိုတာ ကြင်ကြင်နာနာနဲ့ ညှင်းဆဲတဲ့ ပညတ်ချက်တစ်ခုလိုပဲ .. ပြုံးချင်သလိုလိုဖြစ်မိတယ်
တိတ်ဆိတ်ခြင်းကို ပြန်လည်ဖြိုခွင်းလိုက်တာက သူမ “နောက်ကျတော့မယ် ပြန်ရအောင်လေ”တဲ့။ အဲဒိအသံထဲမှာ နွမ်းလျခြင်းတွေပါနေခဲ့လား။ သူ့နားထဲမှာတော့ စစ်မိန့်ပေးခံရတဲ့ စစ်သားတစ်ယောက်လိုပဲ။ အကြည့်တွေ ဝေဝါးလာတယ်။ ခေါ်တဲ့သူက ပြန်ဖို့ဆိုတော့ ဘယ်သတ္တိနဲ့သူငြင်းခွင့်ရှိမလဲ။ ထရပ်လှည့်အထွက်မှာ ရင်ထဲက ခံစားမှုတွေကို အပြီးသတ်ထားခဲ့လိုက်တယ်။ မထူးတော့ပါဘူးလေ။ ဒီပန်းပွင့်က ငါ့ရင်တွင်းဖြစ်ပေမယ့် ခူးခွင့်ကိုတော့ မရခဲ့ရှာဘူး။ မတန်မရာဘဝမို့ အဖန်တရာမက အသတ်ခံရလည်း ကျေနပ်ပါတယ် သက်ထားရယ်။ ဒါဟာ နင့်အတွက် တစ်ခဏဖြစ်ပေမယ့် ငါ့အတွက်တော့ ပြန်မရတော့မယ့် ထာဝရပါ။ နွေတစ်လှည့် မိုးတစ်လှည့် နဲ့ နာကျည်းခွင့်မရှိတဲ့ ဘဝမှာ နှင်းတွေကို အခါခါခြွေချခဲ့လို့ ကျေးဇူးကြီးလှပါတယ် မိန်းကလေးရယ်။ သူငယ်ချင်းဆိုတာလေးနဲ့ ငါ့အတွက် နင်လင်းပေးခဲ့ပြီးပါပြီ။ အခု နင်သွားရတော့မယ်ဆိုတော့။ ကဲ အပြုံးလှလှနဲ့ ပျော်နိုင်ပါစေ ငါဟာ သူရဲကောင်းမဟုတ်ပေမဲ့ ငိုကြွေးခွင့်မရှိလို့ သူရဲဘောတော့ မကြောင်ခဲ့ဘူး။ ခုတော့ နင်ပြုံးသလိုပဲ ငါပြုံးပြမယ်။ ဒီကောင်လေးကို တစ်ခါတစ်လေလေး သတိရရင် ကျေနပ်ပါပြီ။ သွားပါတော့ကွယ် ဒါနင့်ဘဝကောင်းဖို့အတွက်ပါပဲလေ။ နွားကျောင်းသားဟာ ဇာတ်လိုက်မင်းသားဖြစ်တာ ပုံပြင်ထဲရှိရုံသက်သက်ပါ။ လက်တွေ့မှာတော့ သက်ထားအတွက် သူငယ်ချင်းထက် မပိုခဲ့ပါဘူး။ နင်ပျော်နေပါစေ .. ရှေ့ဆက်သွားမယ့် ဒီလမ်းခရီးမှာ သူငယ်ချင်းတွေ ထပ်တွေ့တဲ့အခါ သက်ထားရေ.....နင် ငါ့ကို သတိရပေးပါ။
“အားရင် ငါစာရေးလိုက်မယ်” အဲဒိစကားက ဒီအမှောင်ဘဝအတွက် အလင်းတစ်စ ဖြစ်ကောင်းဖြစ်မှာပါ။ ဒါပေမဲ့ မတုန်မလှုပ်ပြုံးတတ်တဲ့ နင့်အကြည့်တွေမှာ င့ါအတွက် ဘာမျှော်လင့်စရာမှ မရှိဘူးဆိုတာ သိနေခဲ့တာပါပဲ။ မဖြစ်နိုင်တဲ့ ဘဝနှစ်ခုအတွက် ငါ့ဘက်ကသာ တစ်ဖက်သက်ဖြစ်နေတာကို ကျေးဇူးပဲတင်မိပါတယ်။ သက်ထားရေ ....နင့်အကြည့်လက်လက်တွေ ကို ငါလွမ်းနေမှာပါ။ အဲဒါတွေဟာ ငါ့ဘဝစာမျက်နှာတိုင်းမှာ ပါနေတော့မယ့် မာဂျင်လိုင်း (margin line)လေးတွေ ဖြစ်နေခဲ့ပါပြီ။ နင်တားခဲ့တဲ့ စည်းလေးနောက်မှာ ခပ်ပြုံးပြုံးပဲ ငါထာဝရ ရှိနေမယ်။ နောင်တမရတော့ဘူးကွာ..နင်ဖြစ်စေချင်တာ ဒါပဲဆိုတာ သိနေခဲ့ပါပြီ .......ကျေနပ်တော့။
ခပ်တိုးတိုးနဲ့ရွာချတဲ့မိုးအောက်မှာ သူ့ ထီးလေးကို ဖွင့်မဆောင်းဖြစ်ခဲ့မိဘူး ..မိုးရေ စိုပါစေတော့။ အငိုကြိုက်တဲ့ အလွမ်းနတ်သားက ငါ့ဇာတ်ထုပ်ကိုများ ရေးခဲ့လေသလား။ပြိုင်ခွင့်ရှိပေမယ့် အရှူံးပဲဖြစ်လိမ့်မယ်ဆိုတော့လည်း
“သူငယ်ချင်းကိုရည်းစားမလုပ်ဖို့ဘယ်သူတွေစပြောခဲ့လဲ”...... ဖြတ်လိုက်မိတဲ့လက်ဘက်ရည်ဆိုင်လေးထဲက သီချင်းသံလေးကိုကြားတော့ သူပြုံးပြီးခပ်တိုးတိုးလေး ဖြေလိုက်မိတယ် “သက်ထား”
ငါသေရင် လေပြည်လေးဖြစ်ပါ့မယ်
ဘယ်နေရာရောက်နေမှန်းမသိတဲ့
သူငယ်ချင်းချစ်သူလေးကို ရှာတွေ့တဲ့အခါ
တိတ်တခိုးလေး မြတ်နိုးနိုင်အောင်ပေါ့ ....
..........................................................
သူငယ်ချင်းရေ ...သံယောဇဉ်ဆိုတာ သကြားလုံးနဲ့တူတယ် အချိုကြိုက်တဲ့လူဟာ တစ်နေ့သွားပိုးစားမယ်။
ဖွဲဖွဲကျတဲ့မိုးကို သတိအပြုမိမှာ သူမထီးလေး ဖွင့်ဆောင်းမိတယ်။ မိုးအစိုခံလို့မဖြစ်ပါဘူးလေ။ ဘာမှတော့ သိပ်မထူးပေမဲ့တစ်ချို့လူတွေကို အလုပ်မပိုစေဖို့ ဒီလိုပဲ ကိုယ့်ကိုယ်ကို ဂရုစိုက်နေခဲ့ရတယ်။ ထီးမပါလို့ မိုးခိုဖို့ ပြေးလွှားနေတဲ့လူတွေကို ကြည့်ရင်း သူမ မနာလိုဖြစ်ချင်မိတယ်။ ငါလည်းသူတို့လို ပြေးလွှားနေချင်လိုက်တာ..။သက်ပြင်းလေးချပြီး သတိရမိတယ်…သူကော ထီးပါရဲ့လား။ ဂရုစိုက်မှုတွေ ဘယ်တုန်းတည်းက စတင်ခဲ့တာလဲတော့ မသေချာဘူး။ စိတ်တွေကတော့ ဒီလိုနဲ့ ပိုးစားနေမိခဲ့ပြီ ..သက်ပြင်းကိုအခါခါချလို့ မေ့ပြစ်ခဲ့ရပေါင်းတွေလည်း များလှပြီနော်။ ကြာပြီဆိုပေမယ့် မနေ့တစ်နေ့ကလိုပဲလို့ ထင်နေမိသေးတယ်ကွယ် တူတူကျက်ခဲ့ဖူးတဲ့ သင်ရိုးကုန်တွေ၊ အအေးဆိုင်က ခုံပုလေးတွေ၊ ဘာသာပြန်စာအုပ်ထူတွေ၊ စိတ်ကူးယဉ် ရုပ်ရှင်ဇာတ်လမ်းတွေ၊ ဘယ်သူမှ မသိတဲ့အိပ်မက်ဆိုးတွေ ..အဲ့ဒိ စာမျက်နှာတိုင်းရဲ့ ရက်စွဲတွေမှာ အပြုံးလှလှ ဖန်တီးပေးခဲ့တာ နင်ပါ သူငယ်ချင်းရယ်။ ဒါပေမယ့် ပမာဏ မများတဲ့ ငါနေ့ရက်တွေအတွက် .. ခံစားချက်ဆိုတာ ... ဟင့်အင်း .. ငါနင့်ကို ကြိုကြိုတင်တင်မေ့ချင်လှပြီ။
အတ္တမကြီးသင့်ပါဘူး ငါ့နှလုံးသားရယ် ...နင်ပျော်ရွှင်ဖို့သက်သက်အတွက်တော့ ငါ့သူငယ်ချင်းလေး ဒီထက်ပိုပြီး ရင်မကွဲစေချင်ဘူး ..ခုတော့ ငါ့စကားနားထောင်လိုက်နော်..နင့်နာကျင်မှုတွေ သိပ်မကြာခင် အဆုံးသတ်တော့မှာပ။ါ ဟိုး ခပ်ဝေးဝေးက ဘယ်သူမှမသိတဲ့တစ်နေရာလေးမှာ အကုန်လုံးကို မေ့ပြီးသား ဖြစ်နေမှာပါ။ အဲ့ဒိတော့ ငါ့သူငယ်ချင်းလေးကို နင်မတမ်းတပါနဲ့တော့လေနော်။ သူ့ဘဝလေး ပျော်ရွှင်အေးဆေးပါစေ။
ရွှေအိမ်စံမို့ ထားရက်ခဲ့တာမဟုတ်ပါဘူးကွယ်... နေမရတဲ့ ဘဝမို့ .. စောစောကလေး ထွက်သွားပေးတာပါ။ သတိရလို့ တမ်းတမိရင် ငါ့အတွက် ကဗျာလေးရေးလေနော်။ အရင်ကလိုတော့ ငါဖတ်ပေးနိုင်မှာ မဟုတ်တော့ဘူး။ ဒါပေမယ့် ငါသိနေမှာပါ။
အက်ကွဲနေတဲ့ နင့်အကြည့်တွေကို ဥပက္ခာပြုရင်း ရင်ထဲမှာ ငိုကြွေးနေခဲ့တာ အားတင်းပြုံးတဲ့ နင့်မျက်လုံးတွေကြောင့် ငါပြိုလဲချင်မိတာ ...သူငယ်ချင်းရေ နင်မသိလိုက်ပါနဲ့နော်။ သက်ထားရဲ့ ထုံးစံအတိုင်း နင့်ကိုလဲ ထီမထင်ပဲ မေ့သွားမယ်လို့သာ တွေးပေးပါ။ အမှားလုပ်တတ်တဲ့ ဘုရားသခင်ဟာ ငါ့တို့ကိုလည်း မှားပြီးတွေ့စေခဲ့တယ်လို့ပဲ ယူဆလိုက်တော့မယ်။ ဒါပေမယ့်လည်း ပျော်ရွှင်မှုကို အနည်းနဲ့အများ ပေးသနားခဲ့တာမို့ အဲဒိအမှားကို အမြတ်တနိုးထားမိပါတယ်ဟာ ...
အခန်းပြန်ရောက်တော့ ..သူပေးလိုက်တဲ့ လက်ဆောင်လေးကို ဖွင့်ကြည့်လိုက်တယ်။ ထုံးစံအတိုင်း စာအုပ်လေးပါပဲ။ဒါပေမယ့် ဒီတစ်ခါတော့ ပုံနှိပ်စာလုံးတွေ မပါဘူး။ ပထမဆုံး စာမျက်နှာပေါ်က အလွတ်ရနေတဲ့ လက်ရေးလေးကို အပြေးအလွှား ကြည့်မိတယ် ။
“သက်ထားရေ .. ပန်းတွေခူးရင်း စကားတွေပြောရင်း နင် ငါ့ကို မေ့သွားမှာပါလေ” တဲ့.. သူမလက်တွေ အနည်းငယ်တုန်ယင်လာတယ်။ ခုနက မိုးနည်းနည်းစိုလို့ အေးပြီး ဖျားချင်တာလား ..စိတ်ရဲ့ တုန်ယင်မှုလား .. မသေချာတဲ့ စိတ်ကူးမဆုံးခင် စာကြောင်းလေးပေါ်မှာ မျက်ရည်တစ်စက် မှင်တွေကို ပျံ့သွားစေတယ်။
အင်း ...ငါနင့်ကို မေ့သွားမှာပါလေ .. သေမင်းရဲ့သတို့သမီး ဖြစ်ရတဲ့အခါကျရင်ပေါ့ ...
အိပ်မက်တွေမှာ ငါ့ကိုနေခွင့်ပေးပါ
ဒီမြေကမ္ဘာ လက်မခံတော့တဲ့အခါ
ဒီနေရာလေးပဲ
နင့်အနား ငါနေနိုင်မှာ
<နှံကောင်>
No comments:
Post a Comment