နေ့ဘက်ပျံတဲ့ ညငှက်ငယ်

တရားခွင်တစ်ခုလုံး ငြိမ်သက်နေသည်။ လူအားလုံးက သူမကို ဝိုင်းကြည့်နေကြသည်။ တရားသူကြီးကလည်း စိုက်ကြည့်နေသည်။ အမှန်ကိုပဲ ပြောလို့သတိပေးနေသယောင်။ အမှုတစ်ခုလုံး၏ ဆုံးဖြတ်ချက်သည် သူမထံမှ ရသောအဖြေ ပေါ်တွင်မူတည်နေသည်။ ပရိတ်သတ်ထဲသို့ သူမ တစ်ချက်လှမ်းကြည့် လိုက်သည်။

အမေ့ရဲ့ မျက်ဝန်းငယ်ငယ်လေးများ စိုးရိမ်စိတ်နဲ့ လှမ်းကြည့်နေသည်။ ရှေ့ဆုံးတန်းတွင် လက်ထိတ်တန်းလန်းနှင့် ထိုင်နေသော အဖေ။ ပြီးတော့ ရွံစရာအပြုံးနဲ့ ကြည့်နေသော သူ ။ သူမအပေါ်တွင် လုံးဝ ယုံကြည် စိတ်ချ ထားသည့် အကြည့်။ တရားလို မိသားစုကိုလည်း တွေ့ရသည်။ အားသိပ်မရှိသော သူတို့အကြည့်က အကူအညီတောင်းနေသလို။ အားလုံးကို ဝေ့ပြီးကြည့်လိုက်ချိန်မှာ ဆရာမကိုသွားတွေ့သည်။ ဆရာမ ဘယ်လိုများရောက်လာတာလဲ။

မျက်လုံးချင်းဆုံသွားသောခဏတွင် ပြောခဲ့ဖူးသော စကားတစ်ချို့ကို သွားသတိရသည်။

“ ဘယ်လိုအခြေအနေမျိုးမှာ ဖြစ်ဖြစ်ပေါ့သမီးရယ် တို့အားလုံးမှာ ရွေးစရာလမ်းကိုယ်စီရှိကြပါတယ်”
“ အဓိကကတော့ ရွေးလိုက်တဲ့လမ်းအတွက် သတ္တိအပြည့်ရှိဖို့ပဲ လိုအပ်တာပါ”

သူမ ခေါင်းငုံ့ချလိုက်မိသည်။ အသက်ကိုပြင်းပြင်းရှူ၊ တုန်လှုပ်နေခဲ့သော စိတ်သည် တည်ငြိမ်သွားပြီ။ နှလုံးခုန်သံတို့ စည်းချက်မမှန်သော်လည်း အေးချမ်းသည့် မျက်ဝန်းတို့ဖြင့် ဆရာမရှိရာသို့ တချက်လှမ်းကြည့်သည်။ မတွေ့တော့။ အတွေးသက်သက်လား။ သူမပြုံးလိုက်မိသည်။ ဘာပဲဖြစ်ဖြစ်ပေါ့။

ခေါင်းကိုမော့ ရင်ကိုကော့လို့ ... ငါမရှိတဲ့ ငါ့သတ္တိအတွက် ....

တရားသူကြီး၏ မျက်ဝန်းတည့်တည့်ကို စိုက်ကြည့်ရင်း သူမ နှလုံးသားမှ စကားလုံးများ သွေးသံရဲရဲဖြင့်ထွက်ကျလာသည်။

“ ____________ ****”

တရားခွင်တစ်ခုလုံး ရုတ်ရုတ်ဖြစ်ကုန်သည်။ တရားသူကြီးက ခုံကို တစ်ဒုန်းဒုန်းထုပြီး သူမနေရာသို့ ပြန်နိုင်ပြီဖြစ်ကြောင်း ပြောသည်။ လာကတည်းက ထိုင်နေသောနေရာလေးသို့ အေးအေးဆေးဆေး ပြန်ထိုင်သည်။ ဘယ်သူ့ကိုမှလည်း မကြည့်တော့ ကြည့်ချင်စိတ်လည်း မရှိတော့။

မိနစ်ပိုင်းအတွင်း တရားသူကြီးက ဆုံးဖြတ်ချက်ကို ကြေငြာသည်။ စီရင်ချက်အဆုံးမှာ ပေါင်ချိန်ကားထဲကလိုတော့ ခွေးခေါင်းဓါးစက်ကြီး ထွက်မလာ။ သို့သော် တာဝန်ရှိ ရဲသားများကတော့ သူ့ ကိုလက်ထိတ်ခတ် ဖမ်းချုပ်လျှက် ခေါ်သွားကြသည်။

မဲ့ပြုံးပြုံးလျှက် ဒေါသမျက်လုံးဖြင့် သူမကို လှမ်းကြည့်သော သူ့ ကို မကြည့်သော်လည်းမြင်နေရသည်။ လက်ထိတ်လွတ်သွားသော အဖေသည် သူမရှိရာသို့ တည့်တည့်လျှောက်လာသည်။ အဖေ့ကို မော့မကြည့်မိ။ ထိုင်ရာကလည်း မထမိ။ မြောက်တက်သွားသော အဖေ့လက်ကို မြင်လိုက်သော်လည်း မျက်ဝန်းကိုမှိတ်လျှက် သေသေသပ်သပ်ခံယူမိသည်။

“ဖြန်း” ဆိုတဲ့ အသံအဆုံးမှာ သူမခုံတန်းလေးပေါ်လဲကျသွားသည်။

ထွက်ခွာသွားသောအဖေ့ခြေလှမ်းတို့ကို လိုက်ကြည့်နေရင်း နှုတ်ခမ်းထောင့်မှ သွေးစတချို့ကို ခပ်ဖွဖွသုတ်သည်။ မျက်နှာမကောင်းသော အမေ၊ ဒေါသထွက်နေသော အကိုတို့ ကလည်း တောက်ခေါက်လျှက် အဖေ့နောက်မှ လိုက်သွားကြသည်။ သူမကိုလူဘယ်နှယောက်လောက်က ကြည့်နေကြသလဲတော့မသိ။ ခပ်တည်တည်ပဲ လူရှင်းတဲ့အထိ ဆက်ထိုင်နေရင်း ဝမ်းသာမျက်ရည်ကျပြီး ငိုနေသော တရားလိုမိသားစုကို ငေးကြည့်နေမိသည်။

အသတ်ခံရသော ကောင်လေး၏ မိခင် တရားလိုအမျိုးသမီးက ဒီဘက်ကို လှည့်အကြည့်မှာ သူမကြည့်နေတာကိုတွေ့တော့ ကျေးဇူးတင်သောအပြုံး လေးစားသောအပြုံးဖြင့် ပြုံးပြသည်။ သူမပြန်ပြုံးပြမိလား။ မသေချာ။

အမျိုးသမီးက သူမဆီသို့ လျှောက်လာမည်အပြုမှာ မျက်နှာကိုလွှဲရင်း ခပ်တည်တည်ဘဲ အခန်းထဲမှလှည့်ထွက်ခဲ့သည်။ သွားသင့်နေပြီ။ လူတွေလည်း နည်းတန်သလောက်နည်းသွားပြီ။ ရင်ဆိုင်ရဖို့သေချာသော အရာတစ်ခုကို မြန်မြန်ပြေးတွေ့လိုက်တာ ကောင်းသည်။

ဒုံးဒုံးချသောနှလုံးသားဖြင့် အေးအေးဆေးဆေး လျှောက်လာရင်း ကော်ရစ်ဒါတစ်လျှောက် လူပေါင်းစုံကိုတွေ့ရသည်။ တခြားအမှုတွဲများ ကို စီရင်ချက်ချနေသော အခန်းတချို့လည်းရှိသည်။ အမှုရှုံးသဖြင့် ငိုနေသောသူများ၊ အမှုနိုင်သဖြင့် ပျော်နေသောသူအချို့၊ အမှုဆိုင်ရမည့်အတွက် စိတ်လှုပ်ရှားနေသောသူ၊ ဂုဏ်သရေရှိရှိ ငွေကြေးစကားပြောနေကြသော ရှေ့နေအချို့။

ဤနေရာသည် တရားရုံးဖြစ်သည်။ လူတို့ပြောပြောနေသော အမှန်တရား အချို့ကို ဤနေရာတွင် မှတ်ပုံတင်နိုင်သည်။ တရားဥပဒေဆိုသော စာအုပ်ထူထူပေါင်းများစွာကို ဦးခေါင်းသေးသေးလေးထဲ ထည့်ထားကြသော လူပေါင်းများစွာသည် ဤနေရာ၏ အစေခံများဖြစ်ကြသည်။ သို့သော် ဤနေရာတွင် သခင်မရှိ။ သခင်မရှိသော အိမ်သည် အစေခံတို့၏ လက်ထဲတွင် ဖြစ်ချင်တိုင်းဖြစ်သကဲ့သို့ ဤနေရာသည်လည်း ထိုအစေခံများ၏ လက်ထဲတွင် ဖြစ်ချင်တိုင်းကို ဖြစ်နေသည်။ ထိုအစေခံတို့ အသိအမှတ်ပြုသော အရာတို့ကသာ အမှန်တရားဖြစ်သည်။

ထို့ကြောင့် မိမိတို့၏ ကိုယ်ပိုင်အမှန်တရားကို မှတ်ပုံတင်လိုသော သူများက အစေခံတို့ကို အခကြေးငွေပေး ငှားရမ်း၍ သူနိုင်ကိုယ်နိုင် ပြိုင်ကြသည်။ အင်အားကြီးသော မာယာကောင်းသော သူများအနိုင်ရကြသည်။ ထိုသို့ အနိုင်ရရေးအတွက်လည်း လူအားငွေအားကုန်သည်။ ပေးဆပ်ရသော အရာများစွာ ရှိသည်။ အမှန်တရားကို မြတ်နိုးသည် ဆိုသော အချို့အချို့သောသူများက ကိုယ်ကျိုးစွန့်ပြီး ကူညီသောအခါမျိုးလည်း ရှိသည်။ ထိုအခါမျိုးတွင်တော့ အားကြီးသောတချို့ လူများလည်း ရှုံးတတ်ကြသည်။

ဒီနေ့သူမပါဝင်ခဲ့သော ထိုအမှုတွဲကတော့ ဘယ်လိုပြိုင်ပွဲမျိုးလဲဆိုတာ ကိုယ်တိုင်လည်း မသုံးသပ်တတ်ပါ။ အမှန်တရားကို မြတ်နိုးသောကြောင့် သူမသက်သေခံခဲ့ခြင်းလည်းမဟုတ်ပါ။ အမှန်တရားသောအရာမှာ ဆေးခါးခါးတစ်ခွက်နှင့်တူပြီး ဘယ်ကုပ္ပဏီထုတ်က အကောင်းဆုံးလည်းဆိုတာ သူမကိုယ်တိုင်လည်း မသေချာ။ ထို့ကြောင့် အမှန်တရားကို သူမနားမလည်။ နားမလည်သောအရာ သဘောမကျသောအရာကို မြတ်နိုးသင့်သော အကြောင်းပြချက် သူမကိုယ်တိုင်ရှာမရ။

သို့သော် အမှောင်ထဲတွင် နေသားကျနေခဲ့သော သူမဘဝသည် အလင်းတချို့ကို တောင်းဆိုနေခဲ့ပြီ။ အရာရာကို ကြောက်စိတ်ဖြင့် လုပ်ကိုင်နေခဲ့ရသော နေ့ရက်များကို လည်း နှလုံးသားက စိတ်ကုန်နေခဲ့ပြီ။ ကိုယ့်စိတ်တိုင်းကျ ဆုံးဖြတ်ချက်နဲ့ လွတ်လွတ်လပ်လပ် နေထိုင်ဖို့အချိန်ကျပြီ။ ခဏတာလေးပဲဖြစ်ဖြစ် ကိုယ့်ကိုကိုယ်တော့ လွတ်လပ်ခွင့်ပေးချင်မိသည်။ ကိုယ့်နှလုံးသားကို ရိုးသားချင်မိသည်။ အလိမ်အညာမပါဘဲ စကားပြောကြည့်ချင်မိသည်။ တစ်ဘဝလုံးကို သူ့ လောင်းရိပ်အောက်မှာ မိမနေချင်တော့။ တချိန်လုံး ငဲ့ကွက်နေရသော မိသားစုကိုလည်း လှည့်မကြည့်ချင်တော့။

ဒါပေမယ့် တစ်ခုတော့သေချာသည်။ သူမသက်သေခံလိုက်လို့လည်း သူတို့က မိသားစုကို ပြဿနာရှာမည်မဟုတ်။ ဘာကြောင့်လည်းဆိုတော့ အဖေက ဝမ်းသာအားရပဲ သူ့ကိုယ်စား လူသတ်တရားခံဖြစ်ဖို့ သဘောတူခဲ့သောကြောင့် ဖြစ်သည်။ မိသားစုတစ်ခုလုံးက ထိုအရိပ်ကို ပျော်မွေ့နေခဲ့ကြပြီ။ ထိုအမှောင်သည်သာ သူတို့နေထိုင်ရာလို့ တစ်ဖက်သတ် ခံယူခဲ့ကြသည်။ ထို့ကြောင့်လည်း တရားခံအစစ်ကို သူမ ဖော်လိုက်တော့ ဒေါသထွက်ကြခြင်း ဖြစ်သည်။

သူမကတော့ တစ်မိသားစုလုံးနှင့်ကွဲထွက်ခဲ့ပြီ။ ဘာမှန်းမသိသော ကျောင်းက စာသင်ခန်းလေးကို သတိရမိသည်။ အထင်မကြီးခဲ့သော ပညာကို အလင်းရောင်အဖြစ်ခံယူတတ်ရန် သင်ကြားခဲ့သောဆရာမကို သတိရသည်။ သူလိုကိုယ်လို ဘဝတူသူငယ်ချင်းများကိုလည်း သတိရသည်။ ဘယ်ဆီရောက်နေကြပြီလဲ။

အဆောက်အဦးကနေ ထွက်ထွက်ချင်း ရင်တွေ တလှပ်လှပ်ခုန်နေသည်။ ခြောက်ကပ်လာသော နှုတ်ခမ်းထူထူကို လျှာဖြင့်သပ်ရင်း ခြေလှမ်းတွေကိုဆက်လှမ်းနေမိသည်။ များမြှောင်လှသော လူအုပ်ထဲကို တိုးဝင်မိလိုက်တဲ့ ခဏမှာပဲ ရင်းနှီးပြီးသား အသံတစ်ချက်ကို ကြားလိုက်ရသည်။ ပူကနဲဖြစ်သွားသော ရင်ဘတ်ကို တစ်ချက်ငုံ့ကြည့်ရင်း ပလက်ဖောင်းပေါ်သို့ ပြိုလဲကျသည်။

လူအုပ်ကြီး ရှဲကနဲဖြစ်သွားပြီး သူမထံသို့ ပြန်ဝိုင်းလာသည်ဟု ထင်သည်။ နာကျင်သော ရင်ဘတ်နေရာမှ သူမတစ်ကိုယ်လုံးရှိ အားအင်များ ထွက်သွားနေသည်ဟု ခံစားနေရသည်။ ဆူညံနေသောလူအုပ်ကြီး၏ အသံများကို မကြားရ။ ဝိုင်းကြည့်နေသော လူများကိုလည်း မမြင်ရ။

အာရုံထဲတွင် သူ့ လက်ထဲမှ သေနတ်မီးပွင့်သွားသောအခိုက်တွင် ကောင်လေး လဲကျသွားသည်ကို မြင်လိုက်သည်။ အဖေ့ကို သေနတ်ပေးနေသော သူ့ ကိုတွေ့သည်။ မျက်နှာမကောင်းသော အမေ့ကိုတွေ့သည်။ ကောင်လေးအမေ၏ ကြေကွဲသော မျက်ဝန်းများကိုတွေ့သည်။ အမှောင်ထဲတွင် ကြိတ်ငိုနေသော ကိုယ့်ကိုကိုယ် တွေ့သည်။ ဆူညံစွာ ဓါတ်ပုံရိုက်နေသော သူငယ်ချင်းများကိုတွေ့သည်။ အခင်းဖြစ်တုန်း သူမရှိနေသည် ဆိုပြီး လာခေါ်ကြသော ရဲသားတစ်ချို့ကို တွေ့သည်။ သူမကို ရိုက်လိုက်သော အဖေ့လက်များကို တွေ့သည်။ ဒေါသထွက်နေသော သူ့ မျက်ဝန်းများကို တွေ့သည်။ ရုပ်သံတို့ မကြည်လင်တော့။ ယိမ်းထိုးနေသော သူမသည် တရားခွင်တွင် သူ့နာမည်ကို တစ်လုံးချင်း ရွတ်ဆိုနေသည်။ တစ်ကိုယ်လုံး ပူလောင်လာသည်။ နားထဲတွင် ဆရာမ၏ အသံတစ်ချို့ကို ကြားနေရသည်။ အမှတ်ရစရာ အချိန်များအားလုံးကို ရုပ်ရှင်ပြသလို မြင်နေရသည်။ သေခါနီးဆိုရင် အကုန်ပြန်မြင်တယ်ဆိုတာ ဒါမျိုးလား။

“သူများမလုပ်ရဲတာကို လုပ်တာဟာ သူရဲကောင်းမဟုတ်ဘူးကွဲ့ ကိုယ်မလုပ်ရဲတာကို လုပ်တာမှ သူရဲကောင်းစစ်စစ် ဖြစ်တယ်”

အသက်မဲ့လုမဲ့ခင် သူမနှုတ်ခမ်းတို့ ကွေးတက်သွားကြသည်။

ဆရာမရေ .. ကျမသူရဲကောင်းဖြစ်ခဲ့လားတော့ မသိပါဘူးနော်။ ဒါပေမဲ့ ကျမ မလုပ်ရဲတာကိုတော့ လုပ်ခဲ့ပြီ။ ကျစ်ကျစ်ပါအောင် ဆုပ်ထားတဲ့ လက်သီးလေး ပြေလျော့သွားသည်။ လူနာတင်ယာဉ်တစ်စီး ရောက်လာသည်။ ထို့နောက် ပလက်ဖောင်းပေါ်တွင် လဲကျနေသော အမျိုးသမီးတစ်ယောက်၏ အသက်မဲ့ခန္ဓာကို သယ်ဆောင်လျှက် ပြန်ထွက်သွားသည်။

.................................................................................

BREAKING NEWS:

တာရှည်နေခဲ့သော အင်းယားလမ်းလူသတ်မှုကို ယနေ့မနက် ၁၁နာရီ တွင် မျက်မြင်သက်သေတစ်ဦး၏ အကူအညီဖြင့် အဆုံးသတ်လိုက်ပြီ ဖြစ်သည်။ လူသတ်တရားခံ အစစ်သည် XXမှောင်ခိုဂိုဏ်း ခေါင်းဆောင်ဖြစ်သည်ဟု သံသယရှိသူ**** ဖြစ်ပြီး အလုပ်ကြမ်းဖြင့် ထောင်ဒဏ် အနှစ် ၂၀ ချမှတ်ခြင်းခံလိုက်ရသည်။ ယခင် ခံဝန်ချက်ပြုထားသော သူမှာ တရားခံအစစ်မဟုတ်ဘဲ အမှန်လူသတ်ခဲ့သော မှောင်ခိုဂိုဏ်းခေါင်းဆောင်ကိုယ်စား ဝန်ခံထားခြင်းဖြစ်သည်။ သက်သေခံအမျိုးသမီးမှာ ထိုသူနှင့် သားအဖတော်စပ်သည်ဟု သိရပြီး မှောင်ခိုဂိုဏ်းနှင့် နှီးနွယ် ပတ်သတ်နေသည် ဟုလည်း သံသယရှိသည်။ အဖြစ်အပျက်တစ်ခုလုံး၏ သတင်းအစုံအလင်ကိုမူ သက်ဆိုင်ရာများက တရားဝင်ထုတ်ပြန်ခြင်း မရှိသေးပါ။ နောက်ဆုံးရရှိထားသော သတင်းအရ သက်သေခံ မ*** မှာ တရားရုံးမှ အထွက်တွင် ပစ်သတ်ခြင်းခံရသည်ဟု သိရသည်။ တရားခံကို မသိရသေးသော်လည်း XX ဂိုဏ်းမှဖြစ်နိုင်သည်ဟု ယူဆရသည်။

<နှံကောင်>