တစ်အိမ်လုံးရှိသမျှလူတွေကိုလိုက်မေးပြီး နောက်ဆုံး အလွယ်ဆုံးပဲကြော်စားလိုက်တယ် .. ကြော်တာတောင်မှ ဆီတွေက တဖုန်းဖုန်းနဲ့ပေါက်လိုပေါက် .. အိုးကကိုးလို့ကန့်လန့်အရွယ်ဆိုတော့ ဖုံးစရာအဖုံးကမရှိဘူး .
အဲ့ဒါနဲ့ ကြွေပန်းကန်နဲ့ဖုံးပြီး မီးတင်ထားလိုက်တာ .. ပထမတသုတ်က တူးသွားပါလေရော.. ငါးက သေးပါတယ်ဆို .. တူးခါနီးလေးဖြစ်သွားတော့ အသားမရှိတော့ဘူး .. အရိုးလေးတွေပဲကျန်တော့တယ် ။ လူကိုလည်း ဆီတွေစင်တာ လက်တွေမှာလည်း ဒဏ်ရာတွေရကုန်ရော။ ညှော်လည်းညှော်သေးတယ် ။
သြော် .. အဲ့တော့မှစဉ်းစားမိတယ် .. ငါးချက်ရတာ တော်တော်ဒုက္ခရောက်ပါလားလို့။ ဒါတောင်ကြော်တာပဲရှိသေးတယ်။ ပြန်ကြော်လို ငရုတ်သိးနဲ့ပြန်ရောတာတွေဘာတွေ မပါသေးဘူး။ အဲ့ဒါနဲ့ အခန်းဖော်အမကပြောတယ် .. ဒါတောင် အဲ့ဒိငါးလေးတွေမို့လို့တဲ့ ငါးခူဆိုဒီထက်ပိုဆိုးတယ် ဆိုပဲ။
နောက်တခါ ငါးဘယ်တော့မှ ချက်မစားချင်တော့ဘူး ဆိုတဲ့အတွေးနဲ့အတူ ရုတ်တရက် အမေ့ကို သတိရမိလိုက်တယ် ။ အိမ်မှာဆို အမေချက်တဲ့ ငါးဟင်းကို ကဂျီကကြောင်ကျပြီး စားတတ်တယ်။ အမေကတော့ သမီးသိပ်ကြိုက်တဲ့ ငါးခူမို့လို့တဲ့ တကူးတကချက်ပေးရတာ။ နေ့တိုင်းမရိုးနိုင်အောင် တမျိုးပြီးတမျိုးလုပ်ပေးတတ်တာ။ ထမင်းနည်းနည်းပဲ စားရင် စိတ်ပူတတ်တာ။
အမေ .. အမေ့ မေတ္ကာကြီးမားလိုက်တာ။ နောက်ဖေးမှာ အမေဟင်းချက်နေတိုင်း ဝင်မကူတတ်တဲ့ သမီး ကိုယ့်အကြောင်းကိုယ်တွေးမိပြီး ရှက်တယ်အမေ။ သူများက လက်ညှိုးထိုးတာကြောင့်တော့ မဟုတ်ပါဘူး အမေ။ အမေ ပင်ပန်းခဲ့ပါလားဆိုတာ တွေးမိတိုင်း ရင်ထဲမချိဖြစ်မိတာပါ။ ဒါတောင် အမေက လိမ္မာတဲ့သမီးလေးလို့ ခဏခဏ ချီးကျူးတတ်တယ်နော်။
ဟိုဟာစားချင်တယ် ဒီဟာစားချင်တယ်ဆိုလည်း မညီးမညူလုပ်ပေးတတ်တဲ့ အမေ့ကို လွမ်းတယ်။ ဟိုးဝေးဝေးက တနေရာမှာ ဒီအချိန် အမေဟင်းချက်နေမလား။ အမေ့ဆီ ပြန်လာချင်တယ်။ ပြည့်စုံလုံခြုံလှတဲ့ အမေ့အိမ်နဲ့ ရင်ခွင်နွေးနွေးကိုလွမ်းတယ်။ ဒီတစ်ခေါက်ပြန်လာရင် အမေ့ကို ငါးကြော် ကြော်ကြွေးမယ်နော်
စာဖတ်သူတို့ရော အမေ့လက်ရာ ငါးကြော်စားဖူးကြလားဟင် .....
<နှံကောင်>
3 comments:
ငါးတော့ တခါမှ မကြော်ဖူးဘူး ဒါပေမယ့် အသေပေါက်တတ်တာတော့ သိတယ် ဒါကြောင့် စားချင်လွန်းရင် ၀ယ်စားတယ် မ၀ယ်စားဖြစ်ရင် မတွေးတော့ဘူး ကိုယ့်ကိုယ်ကိုယ်ချစ်တာ အမေကိုယ့်ကို ချစ်တာကို မမှီလို့နဲ့တူပါရဲ့ နှံကောင်ရယ် ဘယ်တော့ မှ အမေ့လက်ရာပြန်စားရမလဲ မသိပါဘူး
အင်းနော် အမေချက်တဲ့ဟင်းကို စားရတာ အရမ်းအရသာရှိတယ်။ ပိုလည်း စားကောင်းတယ် အချောင်လည်းခိုလို့ရတော့လေနော်။ :D ။
နှံကောင်လည်း မကြာခင် အမေလက်ရာကို ပြန်စားရပါစေလို့ဆုတောင်းပေးပါတယ်နော်။
အင်း...ဖတ်နေရင်းနဲ့ နှစ်ခုလောက်နက်နက်နဲနဲခံစား ရတယ်ညီမရယ်...တစ်ခုက အမေနဲ့ အမေ့လက်ရာကို လွမ်းတယ်.....နောက်တစ်ခုက....
ဗိုက်တော်တော်ဆာသွားတယ်...။
Post a Comment